रोल्पा जिल्लाको सदरमुकाम लिवाङ देखि २७ कोष टाढा रहेको जिनाबाङ गा.वि.स. सल्यान जिल्लाको पुर्बी सिमाना सँग जोडिएको छ । उक्त स्थानमा रहेको श्री सिदार्थ माध्यामिक बिद्यालय घोप्टेओढार पातिहाल्ना बि.स. २०४५ सालमा स्थापना भएको थियो ।

इतिहासकाल देखि नै सामाजिक मुद्दामा केन्द्रित हुने यहाँका तात्कालिक सचेतकहरु र जनसमुदायको क्रियाशीलतामा संचालन भएको विद्यालयले छोटो समयमै शैक्षिक स्तर बृदी गरी जिल्लाकै क्रियाशील बिद्यालयको रुपमा स्थापित भएको इतिहास छ । यहाँका बालबालिकाहरुको भविष्यलाइ मध्यनजर गर्दै युग सुहाउदो जनशक्ति निर्माण गर्ने हेतुले स्थापना गरिएको विद्यालय र त्यहि विद्यालयबाट उत्पादित जनशक्ति/युवाहरुले आज फेरी युग सुहाउँदो शिक्षाको खोजि गर्दै नमुना विद्यालय निर्माणको मुद्दा उठाएर अभियानरत छन्, यही नै यहाँका सचेत अभिभावकहरुले आफ्ना सन्तानहरुलाई सिकाएको सामाजिक अभिमुखीकरण चेतना हो, जुन चेतना यहि विद्यालयबाट प्राप्त गरेका हुन्।

विद्यालय स्थापना भएको ९ बर्ष पछी २०५४ सालमा निम्न माध्यमिक तहको ब्यबस्थापन संगै पुनः दुइ बर्षको संघर्ष पछी २०६८ सालमा माध्यामिक तहको अनुमति पाएको थियो ।बिद्यालयको मावितहमा राज्यबाट दरबन्दी नभएता पनि हालसम्म निजिस्रोतबाट नै यहाँका समुदायले बिद्यालय संचालन गर्दै आएका छन् ।

सामाजिक दिगो बिकाशका लागी शिक्षा अनिवार्य शर्त भएको हुँदा आजको बदलिएको समय संग सुहाउदो स्तरीय तथा गुणस्तरीय शिक्षाको ब्यबस्थापनलाई मूलमुद्दा बनाई प्रविधिको युग सँग चल्ने ध्येयका साथ् अभियानरत छौ ।

धन्यवाद !!

विद्याल सुचना विभाग